ماحول دوست جوہری توانائی مستقبل کیلئے قابل عمل حل پیش کرتی ہے، اسحق ڈار
اردو انٹرنیشنل (مانیٹرنگ ڈیسک)وفاقی وزیر خارجہ اسحق ڈار نے کہا ہے کہ ماحول دوست جوہری توانائی مستقبل کے لیے قابل عمل حل پیش کرتی ہے۔
برسلز میں جوہری تونائی سربراہی اجلاس سے خطاب کرتے ہوئے انہوں نے کہا کہ یہ خوش آئند ہے کہ ٹیکنالوجی نے نیوکلئیر انرجی کو محفوظ بنانے میں کردار ادا کیا ہے، ہمیں اپنی توجہ حفاظت اور فضلہ کے انتظام اور پھیلاؤ پر مرکوز رکھنی چاہیے۔
ان کا کہنا تھا کہ اسی طرح ہمیں اپنی توجہ نیوکلئیر سیفٹی پر بھی مرکوز رکھنی چاہیے، چھوٹے ماڈیولس ری ایکٹر نے جوہری توانائی کو دور دراز کی آبادیوں تک پہنچانے کا وعدہ کیا ہے جو ان جگہوں پر صاف توانائی تک رسائی فراہم کرتے ہیں جہاں اس کی سب سے زیادہ ضرورت ہے۔
وزیر خارجہ اسحاق ڈار نے کہا ہے کہ جوہری توانائی کے پُرامن مقاصد کےلیے پاکستان اپنے تجربات دنیا کے ساتھ شیئر کرنے کو تیار ہے۔
برسلز میں جوہری توانائی سربراہی اجلاس سے خطاب کرتے ہوئے پاکستان کے وزیر خارجہ کا کہنا تھا کہ یہ اجلاس توانائی کی بڑھتی طلب اور درپیش موسمیاتی چیلنجز کے وقت ہو رہا ہے۔
انکا کہنا تھا کہ بیلجیئم حکومت اور آئی اے ای اے کا اجلاس کے انعقاد پر شکریہ ادا کرتا ہوں۔
اسحاق ڈار نے کہا کہ انرجی سیکیورٹی ترقی یافتہ اور ترقی پذیر ممالک کےلیے اہم ترجیح ہے، ہمیں صاف اور سستی توانائی کی ضرورت ہے۔
وزیر خارجہ نے کہا کہ ماحول دوست جوہری توانائی مستقبل کےلیے قابل عمل حل پیش کرتی ہے۔ ہم نے کوپ 28 میں کم اخراج والی ٹیکنالوجی میں جوہری توانائی کی توثیق کی تھی۔
اسحاق ڈار کا کہنا تھا کہ جوہری توانائی کے پُرامن مقاصد کےلیے پاکستان اپنے تجربات دنیا کے ساتھ شیئر کرنے کو تیار ہے۔ پاکستان آئی اے ای اے کا فعال شراکت دار ہے۔
