ڈیرہ اسمٰعیل خان: سیکیورٹی فورسز کی کارروائی، 4 دہشتگرد ہلاک
خیبرپختونخوا کے ضلع ڈیرہ اسمعٰیل خان میں سیکیورٹی فورسز کی جانب سے خفیہ اطلاع پر کارروائی کے دوران شدید فائرنگ کے تبادلے میں 4 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق سیکیورٹی فورسز نے ڈیرہ اسمعٰیل خان میں انٹیلی جنس آپریشن کیا۔
آئی ایس پی آر نے بتایا کہ شدید فائرنگ کے تبادلے کے بعد 4 دہشت گرد مارے گئے، جن میں مصطفیٰ، قسمت اللہ اور دہشتگرد اسلام الدین شامل ہیں۔
پاک فوج کے شعبہ تعلقات عامہ کے مطابق مارے گئے دہشت گرد فورسز کےخلاف دہشت گرد کارروائیوں اور عام شہریوں کے قتل میں ملوث تھے۔
آئی ایس پی آر کا مزید کہنا تھا کہ ہلاک دہشتگردوں کے قبضے اسلحہ اور گولہ بارو برآمد ہوا ہے، مزید بتایا کہ علاقے سے دہشت گردوں کے خآتمے تک آپریشن جاری رہے گا۔
