عدالت کا پاکستان ریلویز کو ایک کروڑ روپے سے زائد ہرجانہ ادا کرنے کا حکم
اردو انٹرنیشنل ( مانیٹرنگ ڈیسک)صوبہ سندھ کے دارالحکومت کراچی کی مقامی عدالت نے ڈہرکی ٹرین حادثہ سے متعلق کیس میں پاکستان ریلوے کو ایک کروڑ روپے سے زائد ہرجانہ ادا کرنے کا حکم دے دیا۔
تفصیلات کے مطابق عدالت نے یہ حکم ٹرین حادثے میں جاں بحق جاوید اقبال کے ورثا کی جانب سے معاوضے کی ادائیگی کے کیس میں دیا.
عدالت نے حکم جان لیوہ حادثات ایکٹ 1855 کے تحت دیا۔
خیال رہے کہ 7 جون 2021 کو ڈہرکی کے قریب انتہائی افسوس ناک واقع پیش آیا تھا، جس میں کراچی سے پنجاب جانے والی ملت ایکسپریس کی بوگیاں پٹڑی سے اتر گئیں تھیں، پنجاب سے آنے والی سر سید ایکسپریس ملت ایکسپریس سے ٹکرئی.
اس ٹرین حادثےمیں 50 سے زائد افراد جاں بحق جبکہ سینکڑوں افراد زخمی ہوئے تھے۔
حادثے میں جاں بحق جاوید اقبال کے ورثا کی جانب سے معاوضے کی ادائیگی کے لئے کراچی کی مقامی عدالت سے رجوع کیا گیا تھا۔
