جیمز اینڈرسن کی ریٹائرمنٹ کے بعد کرس ووکس ایشز میں انگلینڈ کی قیادت کریں گے

جیمز اینڈرسن کی ریٹائرمنٹ کے بعد کرس ووکس ایشز میں انگلینڈ کی قیادت کریں گے

اردو انٹرنیشنل (اسپورٹس ڈیسک )تفصیلات کے مطابق انگلینڈ کے تیز گیند باز کرس ووکس جیمز اینڈرسن اور اسٹورٹ براڈ کی ریٹائرمنٹ کے بعد ایشز 2025 میں اپنے ملک کی قیادت کرنا چاہتے ہیں۔

ووکس 18 جولائی سے ٹرینٹ برج میں کھیلے جانے والے ویسٹ انڈیز کے خلاف دوسرے ٹیسٹ کے دوران انگلینڈ کے لیے اپنے 50ویں ریڈ بال میچ میں دکھائی دیں گے۔

اینڈرسن کی ریٹائرمنٹ کا ایک حصہ بین اسٹوکس کا باؤلنگ اٹیک بنانے کا منصوبہ تھا جو ایشز 2025 کے لیے آسٹریلیا کا سفر کرے گا اور ووکس اب انگلینڈ کے سب سے بھروسہ مند باؤلر ہیں اور وہ اس بات کی کوئی حد نہیں لگا رہے ہیں کہ یہ کام انہیں کس حد تک لے جائے گا۔

مجھے لگتا ہے کہ میں آج کل کسی بھی چیز کو مسترد نہیں کرسکتا انہوں نے کہا کہ میرے لیے یہ مشکل ہو گا کہ میں یہاں کھڑا رہوں اور یہ کہوں کہ میں ایشز میں اوپننگ باؤلر بنوں گا کیونکہ ظاہر ہے کہ میرا ہوم گراونڈ سے باہر ریکارڈ اتنا اچھا نہیں ہے.

اپنے پورے انگلینڈ کیریئر میں میں نے ہمیشہ اگلے ایونٹ اور اگلی سیریز کے لیے بہترین رہنے کی کوشش کی ہے۔

جب بھی میں ہوم گراونڈ سے باہر جاؤں گا میں کوشش کروں گا 100 فیصد دوں اورمیری کوشش ہو گی کہ ٹیم کے لیے اپنا کردار ادا کروں۔

ووکس انگلینڈ کے اب تک کے بہترین کھلاڑی اینڈرسن کے ساتھ کھیلنے پر “خوش قسمت” محسوس کرتے ہیں اور کہا کہ انہوں نے سالوں میں ان سے بہت کچھ سیکھا۔