Captain Babar Azam's expression of confidence in the team's preparation for the upcoming matches
اردو انٹرنیشنل (اسپورٹس ڈیسک) تفصیلات کے مطابق پاکستان جمعرات سے ورلڈ کپ 2024 کی مہم شروع کرنے والا ہے، کپتان بابر اعظم نے آئندہ میچوں کے لیے ٹیم کی تیاری پر اعتماد کا اظہار کیا۔
ہم اچھی تیاریوں کے ساتھ امریکہ آئے ہیں بابر نے ڈلاس میں میڈیا کے نمائندوں سے بات کرتے ہوئے ٹیم کے اسٹریٹجک نقطہ نظر اور مختلف حالات سے ہم آہنگ ہونے کی تیاری پر زور دیا۔
بابر نے کہا کہ ہمارے کچھ کھلاڑی یہاں پہلے کھیل چکے ہیں اور وہ کنڈیشنز سے واقف ہیں شاداب خان، عماد وسیم اور حارث رؤف پہلے بھی یہاں کھیل چکے ہیں۔
کپتان نے یہ بھی نوٹ کیا کہ وہ یہاں زیادہ اسکور کرنے والے میچوں کی توقع نہیں کر رہے ہیں۔
چونکہ ٹی ٹوئنٹی ورلڈ کپ کا پاکستان اور امریکا کا پہلا میچ 9 جون کو ہوگا دائیں ہاتھ کے بلے باز چاہتے ہیں کہ سینئر کھلاڑی پچھلی غلطیوں سے بچنے کے لیے آئندہ میچوں میں ذمہ داری نبھائیں۔
باصلاحیت کپتان نے کہا کہ مجھے اپنی تیز گیندبازی پر اعتماد ہے ہمارے فاسٹ باؤلرز یہاں اچھی کارکردگی کا مظاہرہ کر رہے ہیںہم ماضی کی غلطیوں سے بچنے کی کوشش کریں گے۔
انہوں نے زور دیا کہ ہمارا ورلڈ کپ کل شروع ہو رہا ہے، اور اب تمام سینئر کھلاڑیوں کو آگے بڑھ کر ذمہ داری اٹھانے کی ضرورت ہے میرا واحد ہدف ورلڈ کپ جیتنا ہے، انفرادی کامیابیاں بعد میں آتی ہیں میری توجہ اس بات پر ہے کہ ٹیم کے لیے میں کیا کر سکتا ہوں ہےمیں اپنے ذاتی ریکارڈ کے لیے نہیں کھیلتا صرف پاکستان کے لیے کھیلتا ہوں .
مزید برآں، بابر نے صائم ایوب کی “خراب کارکردگی” کی وجہ سے بیٹنگ لائن میں ہونے والی تبدیلیوں کا ذکر کیا انہوں نے کہا کہ شاداب آئندہ میچ میں صائم کی جگہ لے سکتے ہیں۔
بابر نے مزید کہا کہ “کسی کی بیٹنگ پوزیشن فکس نہیں ہوتی، یہ صورتحال کے مطابق بدل سکتی ہے۔
انہوں نے زور دیا کہ بدقسمتی سے صائم ایوب توقع کے مطابق کارکردگی کا مظاہرہ نہیں کر سکے وہ گیم چینجر ہیں لیکن انہیں وہ مواقع نہیں ملے جن کی انہیں ضرورت تھی ہم ٹیم کے لیے بہترین منصوبہ بندی کرتے ہیں۔
بابر نے مزید کہا کہ شاداب نے مختلف کنڈیشنز میں پرفارم کیا ہے جس کی وجہ سے ہمیں ان پر بھروسہ ہے ایک کپتان کی حیثیت سے مجھے اپنے تمام کھلاڑیوں پر بھروسہ ہے خاص طور پر شاداب، وہ کھیل کے تینوں پہلوؤں میں قابل قدر ہے، اور مجھے امید ہے کہ یہاں کی کنڈیشنز ان کے مطابق ہوں گی ۔
کپتان نے کہا کہ ہم ورلڈ کپ میں اچھی کارکردگی دکھانے اور کامیابی حاصل کرنے کی کوشش کریں گے۔
