اردوانٹرنیشنل (اسپورٹس ڈیسک) تفصیلات کے مطابق بلائنڈ ٹی ٹوئنٹی کرکٹ ورلڈ کپ کی شاندار افتتاحی تقریب ہفتے کو لاہور میں ہوگی جس میں 6 ٹیمیں شرکت کریں گی جن میں افغانستان، جنوبی افریقہ، سری لنکا، نیپال اور بنگلہ دیش شامل ہیں۔
نیپال اور بنگلہ دیش کی ٹیموں کی آج رات تک پاکستان آمد متوقع ہے۔
پاکستان بلائنڈ کرکٹ کونسل کے چیئرمین سید سلطان شاہ نے انکشاف کیا ہے کہ بھارتی بلائنڈ کرکٹ ٹیم کے پاکستان میں بلائنڈ ٹی ٹوئنٹی ورلڈ کپ میں شرکت نہ کرنے کے فیصلے سے تقریباً ایک کروڑ روپے کا مالی نقصان ہوگا۔
نجی ٹی وی چینل ایکسپریس نیوز سے بات کرتے ہوئے انہوں نے زور دے کر کہا کہ بھارت کی عدم موجودگی کے باوجود ٹورنامنٹ پاکستان میں شیڈول کے مطابق آگے بڑھے گا۔
سلطان شاہ نے بین الاقوامی بلائنڈ کرکٹ ایونٹس میں شرکت کی اجازت دینے سے مسلسل انکار پر بھارت کو تنقید کا نشانہ بنایا۔
دریں اثنا، پاکستان میں بلائنڈ کرکٹ کے فروغ میں اہم کردار ادا کرنے والی شخصیات کو ڈبلیو سی کی افتتاحی تقریب کے دوران ‘لائف ٹائم اچیومنٹ ایوارڈز’ سے نوازا جائے گا۔
