جو کندھا ن لیگ والے استعمال کر رہے ہیں یہ ان کی آخرت کا کندھا ہے، سید حسن مرتضیٰ
پاکستان پیپلز پارٹی کے رہنماء سید حسن مرتضیٰ نے نجی ٹی وی کے پروگرام میں گفتگو کرتے ہوئے کہا کہ اگلے وزیر اعظم بلاول بھٹو ہونگے جو جمہور کے کندھے پر آئیں گے،جو کندھا ن لیگ والے استعمال کررہے ہیں یہ انکی آخرت کا کندھا ہے.انہوں نے کہا کہ ن لیگ والے اپنے سیاسی سفر کے اختتام کی جانب چل پڑے ہیں،ن لیگ والوں نے ابھی تک ہوش کے ناخن نہیں لئے.ان کو لگتا ہے کہ اسی کاندھے پر بیٹھ کر وزیر اعظم ہاؤس جائیں گے.
سید حسن مرتضیٰ نے کہا کہ ہم لیول پلیئنگ فیلڈ کہتے ہیں اور ن لیگ والے ایون فیلڈ سمجھتے ہیں.
دیگر سیاسی جماعتوں کے ساتھ ن لیگ کے رابطوں کے متعلق سید حسن مرتضیٰ کا کہنا تھا کہ جو خود کسی کے کندھے پر بیٹھ کر سیاست کریں وہ کس حیثیت سے ساری سیاسی جماعٹوں کو اکٹھا کریں گے.
