Pakistan Ukrain Flags
اردو ینٹرنیشنل (مانیٹرنگ ڈیسک) برطانوی نشریاتی ادارے (بی بی سی) کا دعویٰ ہے کہ ان کے پاس ایسی دستاویزات ہیں جن سےسے ظاہر ہوتا ہے کہ مسلسل انکار کے باوجود پاکستان نے یوکرین کو ہتھیار فروخت کیے ہیں۔
جب سابق آرمی چیف جنرل (ر) قمر جاوید باجوہ نے 12 اگست 2022 کو برٹش رائل ملٹری اکیڈمی کی پاسنگ آؤٹ پریڈ سے خطاب کر رہے تھے،تو دوسری جانب ایک برطانوی فوجی کارگو طیارہ راولپنڈی میں نور خان ایئر بیس پر لینڈنگ کر رہا تھا۔ جیسا کہ بی بی سی کی رپورٹ میں بتایا گیا ہے کہ یہ طیارہ مجموعی طور پر پانچ بار اسی اڈے پر اترا۔
واضح رہے کہ پاکستان نے بارہا یوکرین میں پاکستانی ہتھیاروں کی موجودگی کی تردید کی ہے. دفتر خارجہ کا موقف ہے کہ پاکستان روس اور یوکرین تنازع میں مکمل طور پر غیر جانبدار ہے۔
بی بی سی کی رپورٹ کے مطابق، اگست 2022 میں پاکستان نے دو نجی امریکی فوجی کمپنیوں کے ساتھ 364 ملین ڈالر کمالیت کے معاہدے کیے جس کے تحت پاکستان نے ان کمپنیوں کو 155 ایم ایم کے گولے فروخت کرے گا۔
رپورٹ کے مطابق ’گلوبل ملٹری‘ اور ’نارتھروپ گرومین‘ نامی امریکی کمپنیوں نے 155 ایم ایم گولوں کی خریداری کے لیے پاکستان سے 17 اگست 2022 کو دستخط کیے گئے تھے۔ جس میں 232 ملین ڈالر کا معاہدہ گلوبل ملٹری کو اور 131 ملین ڈالر نارتھروپ گرومین کو دیا گیاتھا.
