اسماعیل ہنیہ کے قتل کے بعد ایرانی شہر قم میں “انتقام کا سرخ پرچم” لہرا دیا گیا
حماس کے رہنما اسماعیل ہنیہ کے اسرائیلی قتل کے بعد ایرانی شہر قم میں مسجد جمکران کے گنبد پر انتقام کا سرخ پرچم لہرا دیا گیا ہے۔
سرخ پرچم، جس پر سفید عربی رسم الخط میں “حسین کا بدلہ” لکھا ہوا ہےجو ملک میں “بدلے کے جھنڈے” کے نام سے جانا جاتا ہے۔
یہ خاص جھنڈا آخری بار مسجد جمکران کے گنبد پر اس وقت بلند کیا گیا تھا جب جنوری 2020 میں بغداد ایئرپورٹ کے قریب امریکی حملے میں اسلامی انقلابی گارڈ کور کی قدس فورس کے کمانڈر قاسم سلیمانی مارے گئے تھے۔
آیت اللہ خامنہ ای کا اسماعیل ہنیہ کے قتل کا بدلہ لینے کا اعلان
واضح رہے کہ ایرانی سپریم لیڈر آیت اللہ خامنہ ای نے اسماعیل ہنیہ کی شہادت پر ردعمل دیتے ہوئے کہا کہ حماس کے رہنما اسماعیل ہنیہ کے قتل کا بدلہ لینا “تہران کا فرض” ہے کیونکہ یہ ایرانی دارالحکومت میں ہوا ہے۔
عرب میڈیا کے مطابق آیت اللہ خامنہ ای نے اپنے بیان میں کہا کہ اسرائیل نے اپنے لیے سخت سزا کی بنیاد فراہم کی ہے اور ایران اپنے ملک کے اندر ہونے والے اسماعیل ہنیہ کے قتل کا بدلہ لینا اپنا فرض سمجھتا ہے
