افغانستان نے ٹی ٹوئنٹی ورلڈ کپ 2024 کے سیمی فائنل کے لیے کوالیفائی کر کے تاریخ رقم کر دی
اردو انٹرنیشنل (اسپورٹس ڈیسک) تفصیلات کے مطابق افغانستان نے منگل کو آرنوس ویل گراؤنڈ، کنگسٹاؤن، سینٹ ونسنٹ میں جاری ٹی ٹوئنٹی ورلڈ کپ 2024 میں بنگلہ دیش کو 8 رنز (ڈی ایل ایس میتھڈ) سے شکست دی۔
نتیجہ یہ نکلا کہ افغانستان نے ایونٹ کے سیمی فائنل کے لیے کوالیفائی کر لیا ادھر آسٹریلیا اور بنگلہ دیش فائنل فور کی دوڑ سے باہر ہو گئے ہیں۔
راشد خان کی قیادت والی یونٹ نے اپنی تاریخ میں پہلی بار کسی ورلڈ کپ کے سیمی فائنل کے لیے کوالیفائی کیا ہے۔
ہدف(116) کے تعاقب میں، جو بعد میں بارش کی وجہ سے 19 اوورز میں 114 تک کم کر دیا گیا، بنگلہ دیش 17.5 اوورز میں 105 رنز بنا کر آؤٹ ہو گیا۔
اوپنر لٹن داس 49 گیندوں میں 54 رنز بنا کر ناٹ آؤٹ رہے.
راشد اور تیز گیند باز نوین الحق نے شاندار باولنگ کا مظاہرہ کیا دونوں نے 4 وکٹیں حاصل کیں۔
دوسری اننگز میں بارش کی وجہ سے میچ متعدد بار روکا گیا۔
اس سے قبل سپر 8 راؤنڈ میں افغانستان نے ٹاس جیت کر بنگلہ دیش کے خلاف پہلے بیٹنگ کا فیصلہ کیا۔
پہلے بیٹنگ کرتے ہوئے، افغانستان نے بنگلہ دیش کی جانب سے کلینکل باؤلنگ ڈسپلے کے بعد 20 اوورز میں 5-115 رنز بنائے۔
رشاد حسین چار اوورز میں 3-26 کے اعداد و شمار کے ساتھ نمایاں باولر رہے انہوں نے رحمان اللہ گرباز، ابراہیم زدران اور گلبدین نائب کی اہم وکٹیں حاصل کیں۔
افغانستان کی جانب سے گرباز 55 گیندوں میں 3 چوکوں اور ایک چھکے کی مدد سے 43 رنز بنا کر ٹاپ ا سکورر رہے۔
راشد خان نے 10 گیندوں میں 19 رنز کی شاندار ناقابل شکست اننگز کھیلی جس میں3 چھکے شامل تھے.
تین ٹیمیں بھارت، انگلینڈ اور جنوبی افریقہ پہلے ہی جاری ایونٹ کے سیمی فائنل کے لیے کوالیفائی کر چکی تھیں اور چوتھی ٹیم کا فیصلہ افغانستان اور بنگلہ دیش کے درمیان میچ کے بعد ہوا۔
سیمی فائنل میں جنوبی افریقہ کا مقابلہ افغانستان سے ہو گا جبکہ انگلینڈ کا سیمی فائنل میں بھارت سے مقابلہ ہو گا دونوں میچ 27 جون کو کھیلے جائیں گے۔