عبدالرزاق نے ایشوریہ رائے سے معافی مانگ لی
گزشتہ روز ایک پریس کانفرنس میں کرکٹ سے متعلق بات کرتے ہوئے سابق کرکٹر عبدالرزاق نے مثال دیتے ہوئے بالی وڈ اداکارہ ایشوریہ رائے کے بارے میں نامناسب الفاط کہے تھے جس کے بعد سوشل میڈیا پر عبدالرزاق کے خلاف شدید تنقید کی گئی ،بعد میں سابق کرکٹر عبد الرزاق نے ایک ویڈیو پیغام میں ایشوریہ رائے سے معافی مانگ لی.
تفصیل کے مطابق سابق کرکٹرعبدالرزاق گزشتہ روز ایک کرکٹ پریس کانفرنس میں شریک تھے، پریس کانفرنس کے دوران عبدالرازق نے پاکستانی کرکٹ ٹیم اور پاکستان کرکٹ کے ذمہ داروں کو بھی تنقید کا نشانہ بناتے ہوئے کہا کہ جب نیتیں ہی صاف نہیں تو نتیجہ کیسے اچھا آسکتا ہے اسی متعلق عبدالرزاق نے ایشوریہ رائے کا نام لیتے ہوئے ایک غیر اخلاقی مثال دی جس کا سوشل میڈیا صارفین کی جانب سے شدید ردعمل سامنے آیا اور عبدالرازاق کو زبردست تنقید کا سامنا کرنا پڑا.
سوشل میڈیا پر زبردست تنقید کے بعد عبدالراق نے ایک ویڈیو پیغام میں ایشوریہ رائے سے معذرت کرتے ہوئے کہا کہ میں نے کوئی اور مثال دینی تھی لیکن میری زبان پھسل گئی اور میرے منہ سے ایشوریہ رائے کا نام نکل گیا جس پر میں ایشوریہ رائے سے معذرت کرتا ہوں.
