بی سی بی نے مشتاق احمد کو دوبارہ اسپن باولنگ کوچ مقرر کر دیا
اردوانٹرنیشنل(اسپورٹس ڈیسک) تفصیلات کے مطابق بنگلہ دیش کرکٹ بورڈ (بی سی بی) نے ایک بار پھر ٹیم کی کوچنگ کے لیے مشتاق احمد کی خدمات حاصل کر لی ہیں۔
مشتاق احمد کو بنگلہ دیش ٹیم کا اسپن بولنگ کوچ مقرر کیا گیا ہے اور وہ جنوبی افریقہ کے خلاف آئندہ دو ٹیسٹ میچوں کی سیریز کے دوران یہ ذمہ داری نبھائیں گے۔
بنگلہ دیش کرکٹ کے آپریشنز منیجر شہریار نفیس نے بتایا کہ مشتاق جب بھی دستیاب ہوں گے سیریز بہ سیریز کی بنیاد پر ٹیم کے ساتھ کام کریں گے۔
جنوبی افریقہ اور بنگلہ دیش کے درمیان پہلا ٹیسٹ میچ 21 اکتوبر سے شروع ہوگا۔
یہ بات قابل غور ہے کہ مشتاق احمد نے اس سے قبل اگست میں بنگلہ دیش کے دورہ پاکستان کے دوران کوچنگ کی ذمہ داریاں پوری کی تھیں۔