ویمن ٹی ٹوئنٹی ورلڈ کپ:جنوبی افریقہ نے اسکاٹ لینڈ کو 80 رنز سے ہرا دیا
اردوانٹرنیشنل(اسپورٹس ڈیسک) تفصیلات کے مطابق ماریزان کیپ کی 43 رنز کی شاندار اننگز، جس کے بعد مشترکہ باؤلنگ کی کوشش نے بدھ کو دبئی انٹرنیشنل کرکٹ اسٹیڈیم میں آئی سی سی ویمن ٹی ٹوئنٹی ورلڈ کپ 2024 کے 11ویں میچ میں جنوبی افریقہ کو اسکاٹ لینڈ کے خلاف 80 رنز سے فتح دلائی۔
مشکل ہدف (167)کا تعاقب کرتے ہوئے، اسکاٹ لینڈ کی بیٹنگ یونٹ نے جنوبی افریقہ کے نظم و ضبط والے باؤلنگ اٹیک کے خلاف جدوجہد کی اور بالآخر 17.5 اوور میں معمولی 86 رنز پر ڈھیر ہوگئی۔
مڈل آرڈر بلے باز ایلسا لسٹر اور آل راؤنڈر کیتھرین فریزر ہی دو اسکاٹش بلے باز تھی جنہوں نے بالترتیب 12 اور 14 رنز بنائے۔
جنوبی افریقہ کی جانب سے نونکولیکو ملابا 3 وکٹ لے کر نمایاں باولر رہی، اس کے بعد نادین ڈی کلرک اور چلو ٹریون نے 2 وکٹ حاصل کیں۔
پروٹیزنے پہلے بیٹنگ کا فیصلہ کیا اور کپتان لورا وولوارڈ اور ٹازمین برٹس کے درمیان 64 رنز کے ابتدائی اسٹینڈ کے ساتھ شاندار آغاز کیا۔
کیتھرین فریزر نے 27 گیندوں پر 5 چوکوں اور ایک چھکے کی مدد سے 40 رنز بنائے.
تزمین برٹس نے 35 گیندوں پر 43 رنز بنائے، جس میں 5 چوکے اور ایک چھکا شامل تھا۔
ماریزان کپ نے بھی 43 رنز کی اننگز کھیلی لیکن وہ 18 ویں اوور میں آوٹ ہو گئی،انہوں نے صرف 24 گیندوں پر 6 چوکے لگائے۔
اسکاٹ لینڈ کی جانب سے فریزر، کارٹر، ریچل سلیٹر، کیتھرین برائس اور اولیویا بیل نے ایک وکٹ حاصل کی۔
اس فتح نے جنوبی افریقہ کوویمن ٹی ٹوئنٹی ورلڈ کپ 2024 کے گروپ بی اسٹینڈنگ میں تین میچوں میں چار پوائنٹس کے ساتھ ٹاپ پر پہنچا دیا جبکہ اسکاٹ لینڈ اتنے ہی میچوں میں صفر پوائنٹس کے ساتھ سب سے نیچے ہے۔
