اردو انٹرنیشنل (اسپورٹس ڈیسک) تفصیلات کے مطابق انگلینڈ کے کپتان جوس بٹلر، جو کہ آئی پی ایل 2024 میں راجستھان رائلز کے لیے کھیل رہے تھے پاکستان کے خلاف اپنی ٹیم کی ٹی ٹوئنٹی سیریز سے قبل ٹورنامنٹ چھوڑ چکے ہیں۔
راجستھان کی جانب سے اپنے سوشل اکاؤنٹس پر پوسٹ کی گئی ایک ویڈیو میں بٹلر کو ٹیم ہوٹل سے نکلتے ہوئے دیکھا جا سکتا ہے۔
دریں اثنا، انگلینڈ کے ورلڈ کپ اسکواڈ کے دیگر ممبران جو آئی پی ایل میں رہ چکے ہیں معین علی، جونی بیرسٹو، سیم کرن، ول جیکس، فل سالٹ اور ریس ٹوپلے اگلے چند دنوں میں وطن واپس آنا شروع ہو جائیں گے۔
وہ 22 مئی کو ہیڈنگلے میں انگلینڈ کے پہلے ٹی ٹوئنٹی سے قبل لیڈز میں شامل ہوں گے۔
ٹی ٹوئنٹی ورلڈ کپ 2024 اور پاکستان سیریز کے لیے انگلینڈ کا سکواڈ
جوز بٹلر (کپتان)، معین علی، جوفرا آرچر، جوناتھن بیرسٹو، ہیری بروک، سیم کرن، بین ڈکٹ، ٹام ہارٹلی، ول جیکس، کرس جارڈن، لیام لیونگ اسٹون، عادل راشد، فل سالٹ، ریس ٹوپلی، مارک ووڈ۔