اردو انٹرنیشنل(اسپورٹس ڈیسک) تفصیلات کےمطابق نیوزی لینڈ کی ٹیم پانچ ٹی ٹوئنٹی میچز کی سیریز کھیلنے کے لیے 14 اپریل کو پاکستان پہنچ رہی ہے لیکن پاکستان روانگی سے قبل ہی بلیک کیپس کے 2 کھلاڑی انجری کا شکا ر ہو گئے.
اس بارے میں نیوزی لینڈ کرکٹ بورڈ نے بتایا ہے کہ فن ایلن اور ایڈم ملنے پاکستان تی ٹوئنٹی سیریز سے باہر ہو گئے ہیں دونوں کھلاڑی ٹریننگ کے دوران انجری کا شکار ہو گئے تھے اب ان کی جگہ وکٹ کیپر بیٹر ٹام بلنڈل اور آل راونڈر زیک فاولکس کو اسکواڈ میں شامل کیا گیا ہے.
یاد رہے کہ زیک فاولکس کو پہلی بار اسکواڈ میں شامل کیا گیا ہےجبکہ ٹام، پچھلے سال پاکستان کا دورہ کر چکے ہیں.
ںیوزی لینڈ کی ٹیم 14 اپریل کو اسلام آباد پہنچے گی اور اپنا پہلا میچ 18 اپریل کو پنڈی کرکٹ اسٹیڈیم میں کھیلے گی میچ شام 7 بجے شروع ہو گا.