امریکی صدر جوبائیڈن کا غزہ کے ساحل پر عارضی بندرگاہ کے قیام کا اعلان
اردو انٹرنیشنل ( مانیٹرنگ ڈیسک) تفصیلات کے مطابق امریکی صدر جوبائیڈن نے جمعرات کو اسٹیٹ آف دی یونین سے خطاب میں بندرگاہ کے قیام کا باضابطہ اعلان کیا ہے.
اپنے خطاب میں فلسطینیوں کی حالت زار پر بات کرتے ہوئے امریکی صدر بائیڈن کا کہنا تھا کہ انہوں نے امریکی فوج کو ہدایت کی کہ وہ غزہ کے ساحل پر بحیرۂ روم میں ایک عارضی بندرگاہ قائم کرنے کے لیے ہنگامی مشن کی قیادت کرے۔
جوبائیڈن نے مزید کہا کہ اس عارضی بندرگاہ سے بھاری تعداد میں ہر روز غزہ میں امداد پہنچائی جائے گی.
امریکی حکام کا کہنا ہےکہ فلسطینیوں کی امداد لے کر روزانہ سیکڑوں اضافی ٹرک آرہے ہیں لیکن عارضی بندرگاہ کی تعمیر سے انسانی امداد میں ایک بڑا اضافہ ہوگا۔
