شدید دھند :ملک بھر میں قومی ایئرلائن کا فلائٹ شیڈول متاثر
اردو انٹرنیشنل (مانیٹرنگ ڈیسک) شدید دھند کے باعث ملک بھر میں قومی ایئرلائن کا فلائٹ شیڈول شدید متاثر ہوگیا ہے۔
ذرائع کے مطابق شدید دھند کے اسلام آباد میں آج 19 پروازیں منسوخ ہوئیں جبکہ 7 کو متبادل ایئرپورٹس منتقل کر دیا گیا۔
شدید دھند کی وجہ سے آج وفاقی دارالحکومت اسلام آباد کا فلائٹ شیڈول زیادہ متاثر ہوا ہے جبکہ مختلف ایئر پورٹس کی 19 پروازیں منسوخ اور 6 پروازیں متبادل ایئر پورٹس پر منتقل کی گئیں۔
لاہور سے جدہ، دبئی، نجف، کراچی اور ریاض کی پروازوں کی روانگی میں تاخیر ہوئی جبکہ دوحہ، دبئی، جدہ، بحرین اور ارومکی کی پروازیں اسلام آباد سے وقت پر اڑان نہ بھر سکیں۔
