ماضی کے مقبول امریکی ٹی وی پروگرام ‘فرینڈز’ میں چینڈلر کے نام سے مشہور اداکار میتھیو پیری اپنے گھر میں مردہ حالت میں پائے گئے۔امریکی میڈیا کے مطابق مشہور اداکار میتھیو پیری لاس اینجیلس میں اپنے گھر میں باتھ ٹب میں مردہ حالت پائے گئے. 90 کی دہائی کے مقبول امریکی ٹی وی پروگرام’فرینڈز’کے اداکار میتھیو پیری کی ناگہانی موت نے ان کے مداہوں کو افسردہ کردیاہے.
اس وقت میتھیوپیری کی عمر 54 برس تھی .وہ اپنے طنزیہ اور عقلمندانہ کردار کی وجہ سے دنیا کے سب سے زیادہ پسند کیے جانے والے اداکاروں میں سے ایک بن گئے تھے اوریہ ٹی وی شو 1994 سے لے کر 2004 تک چلا تھا جبکہ اس کے کل 10 سیزن تھے.اور اس ٹی وی شو نے نوے کی دہائی میں ریکارڈ مقبولیت حاصل کی تھی۔
ٹی وی پروگرام ‘فرینڈز’ کے پروڈیوسر نے اپنے دکھ کا اظہار کرتے ہوئے کہا کہ ہم اپنے پیارے دوست میتھیو پیری کے انتقال سے بہت پریشان ہیں، اس کی مزاحیہ ذہانت کا اثر پوری دنیا میں محسوس کیا گیا، اور اس کی میراث بہت سارے لوگوں کے دلوں میں زندہ رہے گی۔
اداکارمیتھیوپیری نے ‘فولز رش ان’ اور ‘دی ہول نائن یارڈز’ فلموں میں بھی اداکاری کی تھی۔
