India vs England: Yashvi Jaiswal breaks Virat Kohli's record
اردو انٹرنیشنل (اسپورٹس ڈیسک )تفصیلات کے مطابق ابھرتے ہوئے بلے باز یشسوی جیسوال، نے ٹیسٹ کرکٹ میں طوفان برپا کر دیا ہے پچھلے سال جولائی میں اپنا ڈیبیو کرنے کے بعد بائیں ہاتھ کے کھلاڑی نے تیزی سے دو ڈبل سنچریوں سمیت ایک سو سے زیادہ کے پانچ سکور جمع کر لیے ہیں۔
جمعرات کو انگلینڈ کے خلاف پانچویں ٹیسٹ میں جیسوال، نے 700 رنز کا ہندسہ عبور کرتے ہوئے جاری پانچ میچوں کی سیریز میں سب سے زیادہ رنز بنانے والے کھلاڑی کے طور پر اپنی پوزیشن کو مزید مستحکم کیا جیسوال، نے انگلینڈ کے خلاف ٹیسٹ سیریز میں سب سے زیادہ رنز بنانے کے بعد سابق ہندوستانی کپتان ویرات کوہلی کے پاس موجود سابقہ ریکارڈ کو توڑ دیا کوہلی نے 2016/17 کی ہوم سیریز میں 655 رنز بنائے تھے۔
جیسوال، اب سنیل گواسکر، کے بعد صرف دوسرے ہندوستانی ہیں جنہوں نے ایک ہی ٹیسٹ سیریز میں 700 سے زیادہ رنز بنائے ہیں۔ گواسکر ،نے یہ کارنامہ اپنے کیریئر میں دو بار انجام دیادونوں بار ویسٹ انڈیز کے خلاف – 1971/72 میں 774 رنز اور 1978-79 میں 732 رنز بنائے۔
کلدیپ یادو، اور روی چندرن اشون، کی اسپن جوڑی نے تباہی مچانے کے بعد مجموعی طور پر 9 وکٹیں حاصل کیں اور انگلینڈ کو 218 رنز پر آؤٹ کر دیا .
جیسوال، 1000 ٹیسٹ رنز تک پہنچنے والے مشترکہ تیسرے تیز ترین اوپنر بھی بن گئے جس نے یہ سنگ میل 16 اننگز میں حاصل کیا ہندوستانی کپتان روہت شرما نے اسی تاریخی مقام تک پہنچنے میں ایک کم وقت لیا۔
