امریکی نائب صدر کمالہ ہیرس نے کہا ہے کہ امریکی فوجی دستوں کو غزہ یا اسرائیل بھیجنے کا کوئی ارادہ نہیں ہے.

انہوں نے امریکی فوجی دستوں کی غزہ یا اسرائیل روانگی کو خارج از امکان قرار دے دیا۔بین الاقوامی میڈیا کو دیےایک انٹرویو میں امریکی نائب صدر کمالہ ہیرس نے کہا کہ خطے میں بڑھتے ہوئے تشدد کے اس ماحول میں امریکہ کا غزہ یا اسرائیل میں اپنی فوجیں بھیجنے کا کوئی ارادہ نہیں ہےاور انہوں نے واضح کیا کہ اس حوالے سے نہ ہی کوئی منصوبہ بندی زیر غور ہے.

کمالہ ہیرس کا کہنا تھا کہ ایک اندازے کے بعد اب تک 1400 اسرائیلی مارے گئے ہیں اور میں یہ کہنا چاہوں گی کہ اسرائیلیوں کو اپنے دفاع کا حق حاصل ہے۔

کمالہ ہیرس نے یہ بھی کہا کہ فلسطینی شہری اپنی حفاظت، سکیورٹی اور حق خودارادیت کے لیے یکساں اقدامات کے حقدار ہیں.

امریکی نائب وزیرخارجہ نے کہا کہ ہم بہت واضح ہیں کہ جنگی اصولوں پر ہر صورت عمل کیے جانا چاہیے، انسانی امداد کی ترسیل بھی ہونی چاہیے۔