امریکی رکن کانگریس کی غزہ پر ایٹمی حملہ کرنے کی نفرت انگیز تجویز
اردو انٹرنیشنل (مانیٹرنگ ڈیسک) امریکی ریپبلکن کانگریس کے رکن ٹم والبرگ نے غزہ پر ایٹمی حملہ کرنے کی تجویز پیش کرتے ہوئے نفرت انگیز بیان دے دیا۔
قطری نشریاتی ادارہ الجزیرہ کی جانب سے سوشل میڈیا پر شیئر کی گئی ایک ویڈیو میں سنا جا سکتا ہے کہ امریکی رکن کانگریس ایک سوال کا جواب دیتے ہوئے غزہ کو مزید انسانی امداد فراہم کرنے کی مخالفت کررہے ہیں۔
متعصب رکن کانگریس کا کہنا تھا کہ یہ جو بائیڈن کی سوچ ہے کہ ہمیں غزہ میں انسانی امداد پہنچانے کی ضرورت ہے، میرا نہیں خیال ہمیں ایسا کرنا چاہیے، غزہ میں امداد پر ایک پیسا بھی خرچ نہیں ہونا چاہیے، بلکہ یہ سب جلد ختم ہونا چاہیے۔
ان کا کہنا تھا کہ ’ناگاساکی اور ہیروشیما کی طرح‘ ایٹمی بم گرا دینا چاہیے تاکہ اسے جلد ختم کیا جا سکے۔’
امریکی ریپبلکن کانگریس کے تبصرے پر بڑے پیمانے پر مذمت کی گئی ہے۔
View this post on Instagram
