اقوام متحدہ میں پاکستان کے نمائندے ، منیر اکرم نے اقوام متحدہ کی سلامتی کونسل (یو این ایس سی) کے اجلاس میں افغانستان کی عبوری حکومت پر دہشت گردوں کی حمایت کا الزام عائد کیا ہے۔ انہوں نے کہا کہ پاکستان ملک گیر سطح پر “فتنہ الخوارج” کے خلاف کارروائیاں جاری رکھے گا۔
اقوام متحدہ کی سلامتی کونسل میں خطاب کرتے ہوئے، منیر اکرم نے بتایا کہ پاکستان میں حالیہ مہینوں میں سیکیورٹی فورسز پر حملوں میں نمایاں اضافہ ہوا ہے اور دہشت گرد جدید ہتھیاروں کا استعمال کر رہے ہیں۔ انہوں نے کہا کہ پاکستان بارہا افغانستان حکومت سے مطالبہ کیا ہے کہ وہ ان عسکریت پسندوں کو پاکستان پر حملوں کے لیے اپنی سرزمین استعمال کرنے سے روکے۔
انہوں نے مزید کہا کہ پاکستان افغانستان میں امن قائم کرنے میں مدد کے لیے بین الاقوامی اداروں کے ساتھ کام کرنے کے لیے تیار ہے اور اپنے پڑوسی کے ساتھ تجارتی اور اقتصادی تعلقات کو فروغ دینے کے لیے پرعزم ہے۔
