پریمئر لیگ،لیور پول ، لیوٹن کو شکست دے کر لیگ ٹیبل پر سرِ فہرست
لیورپول نےلیوٹن کے خلاف میچ میں ابتدائی لائن اپ میں پانچ تبدیلیاں کیں۔ قوانزہ اور گومز نے دفاع میں کچھ کھلاڑیوں کی جگہ لی، خراوےبرخ مڈفیلڈ میں آئے، اور ایلیٹ اور گکپو فارورڈ میں شامل ہوئے۔ جبکہ یہ میچ ایلیٹ کا لیورپول کے لیے 100 واں میچ تھا۔ مزید برآں، 18 سالہ جیڈن ڈینس پہلی بار کسی سینئر میچ ڈے اسکواڈ میں بینچ پر تھے۔
لیورپول نے کھیل کا آغاز تیزی سے کیا اور گول کرنے کے قریب آئے ، لیکن ڈیاز نے ایلیٹ کے پاس پہ اسکور کرنے کا موقع ضائع کردیا۔
لیو ٹن کی طرف سے گکپو اور ڈوٹی نے بھی گول کرنے کے موقعے گنوا دیے۔
چونگ کی جانب سے ایک شاٹ بچانے کے بعد اوگبین نے گیند کو جال میں لے جا کر لیوٹن کے لیے پہلا گول کیا۔
خراوےبرخ نے بھی دور سے شاٹ لگائی تھی لیکن گول کیپر کامنسکی نے اسے پکڑ لیا۔ ڈیاز کے پاس گول کرنے کا ایک اور موقع تھا جب اس نے واتارو اینڈو کے دیئے ہوئے پاس کو گول سے باہر مار دیا۔
لیورپول جارحانہ کھیل پیش کرتا رہا۔ جس میں ڈیاز کے شاٹ کو اوشو نے روک دیا، اور ایلیٹ کا شاٹ 20 گز کے فاصلے سے ہدف سے چوک گیا ۔
ان سب کی کوششوں کے باوجود لیورپول ہاف ٹائم سے پہلے گول نہ کرسکا، اور اسکور برابر رہا۔
دوسرے ہاف میں صرف دو منٹ بعد، میک الیسٹر نے تھرو اِن سے گیند کو باکس میں پہنچا دیا، اور کوڑی گاکپو نے گول کر کے اسکور 2 – 1 کردیا ۔ اور یوں میچ میں پہلی بار لیور پول کو برتری مل گئی۔
دوسرے ہاف میں لیور پول نے کافی بہتر کھیل پیش کیا اور تین گول کرنے میں کامیاب رہی۔ ورجل وین ڈائیک نے 56ویں منٹ میں کارنر کک سے ہیڈر کے ذریعے پہلا گول کیا۔ کچھ ہی دیر بعد کوڈی گاکپو نے لیور پول کے لیے ایک اور گول کیا۔ ور 71ویں منٹ میں لوئس ڈیاز نے نے تیسرا گول کیا۔
لیور پول کے لیے اپنا 100 واں میچ کھیلنے والے ہاروی ایلیٹ نے 90ویں منٹ میں ایک موقع سے فائدہ اٹھاتے ہوئے لیور پول کے لیے چوتھا اور آخری گول کیا ۔
میچ میں لیور پول کو کئی کھلاڑیوں کی انجری کے باعث چیلنجز کا سامنا کرنا پڑا۔ ایلیسن، صلاح، الیگزینڈر-آرنلڈ، نونیز، اور سوبوسزلی جیسے اہم کھلاڑی اس میچ میں دستیاب نہیں تھے۔ اس سے نمٹنے کے لیے مینیجر کلوپ کو نئے اسکواڈ کی صلاحیتوں پر انحصار کرنا پڑا۔
اس جیت نے لیورپول کو پریمیئر لیگ ٹیبل پر چار پوائنٹس سے آگے بڑھنے میں مدد دی۔ فی الحال، لیورپول پریمیئر لیگ میں دوسرے نمبر پر موجود مانچسٹر سٹی کے مقابلے میں چار پوائنٹس کے فرق کے ساتھ سرفہرست ہے۔ دوسری جانب، لیوٹن لیگ سٹینڈنگ میں تیسرے نمبر پر برقرار ہے۔
