اردو انٹرنیشنل (مانیٹرنگ ڈیسک) ابوظہبی میں 17 سے 21 فروری 2025 کے دوران انٹرنیشنل ڈیفنس ایگزیبیشن (آئیڈیکس ) اور نیول ڈیفنس ایگزیبیشن (نیواڈیکس ) کی میزبانی کرے گا۔ امارات نیوز ایجنسی (وام )کے مطابق یہ تقریبات صدر شیخ محمد بن زاید النہیان کی سرپرستی میں منعقد ہوں گی۔
ان ایونٹس کو وزارت دفاع اور ایڈنیک گروپ کے اشتراک سے منظم کیا جا رہا ہے۔ ان تقریبات کے دوران انٹرنیشنل ڈیفنس کانفرنس بھی منعقد ہوگی۔یہ نمائشیں دفاع اور سلامتی کے شعبے کے پیشہ ور افراد کے لیے ایک اہم پلیٹ فارم فراہم کرتی ہیں، جہاں وہ نیٹ ورکنگ، شراکت داری قائم کرنے اور جدید ٹیکنالوجیز پیش کرنے کے مواقع حاصل کریں گے۔آئیڈیکس دفاعی ٹیکنالوجیز میں تازہ ترین پیش رفت کو نمایاں کرے گا، جبکہ نیویڈیکس میری ٹائم سیکیورٹی پر توجہ مرکوز کرے گا۔
یہ ایونٹ ایڈنیک مرینہ واٹر فرنٹ پر جدید بحری جہازوں اور آلات کی نمائش کرے گا۔ 2023 میں آئیڈیکس اور نیویڈیکس کے ایڈیشنز نے شاندار کامیابیاں حاصل کیں، جن میں 132,000 سے زائد شرکاء، 65 ممالک کے 1,353 نمائش کنندگان، اور 41 بین الاقوامی پویلینز شامل تھے۔
