اردو انٹرنیشنل (مانیٹرنگ ڈیسک) تیزی سے بڑھتا ہوا سوشل میڈیا پلیٹ فارم Bluesky، ایلون مسک کے ایکس کا ایک مقبول متبادل بن گیا ہے جس میں روزانہ 10 لاکھ نئے سائن اپس کے ساتھ تقریباً 16.7 ملین صارفین کی تعداد میں اضافہ ہوا ہے۔
لیکن وہ کیا بات ہے جو بلواسکائی کو ایکس سے منفرد کرتی ہے اور یہ اتنی توجہ کیوں مبذول کر رہا ہے؟
بلواسکائی فعالیت اور ڈیزائن میں ایکس سے مشابہت رکھتا ہے جو مواد پوسٹ کرنے، تبصرہ کرنے اور پسند کرنے جیسی خصوصیات پیش کرتا ہے۔
اس کی بنیاد 2019 میں ٹویٹر کے سابق سی ای او جیک ڈورسی نے رکھی تھی۔ بلواسکائی کا ابتدائی طور پر ٹویٹر کے وکندریقرت (decentralized) ورژن کے طور پر تصور کیا گیا تھا۔ تاہم ڈورسی نے مئی 2024 میں بورڈ سے استعفیٰ دے دیا اور ستمبر میں اپنا اکاؤنٹ حذف کر دیا۔ آج اس پلیٹ فارم کی قیادت سی ای او جے گرابر کر رہے ہیں اور یہ اب امریکی پبلک کارپوریشن کے طور پر کام کرتا ہے۔
بلواسکائی کی مقبولیت میں اضافہ اہم سیاسی تبدیلیوں اور ایکس پر صارف کے عدم اطمینان کی وجہ سے ہوا ہے۔ ڈونلڈ ٹرمپ کی انتظامیہ کے ساتھ ایلون مسک کی صف بندی نے بہت سے لوگوں کو احتجاجاً ایکس چھوڑنے پر مجبور کیا جب کہ دی گارڈین جیسے عالمی نیوز اداروں نے ایکس پر غلط اور ’زہریلے مواد‘ کو فروغ دینے کے الزام شدید تنقید کی۔
مزید برآں ایپ اسٹورز میں بلواسکائی کی اعلیٰ درجہ کی حیثیت اور لیزو اور بین اسٹیلر جیسی مشہور فلمی شخصیات کی تائید نے بھی اس کی مقبولیت کو مزید بڑھایا ہے۔
