وزیر اعظم شہباز شریف کی24ویں شنگھائی تعاون تنظیم کے سربراہی اجلاس میں عالمی رہنماؤں کے ہمراہ شرکت
اردو انٹرنیشنل (مانیٹرنگ ڈیسک) وزیر اعظم شہباز شریف جمعرات کو قازقستان کے دارالحکومت میں شروع ہونے والے شنگھائی تعاون تنظیم (ایس سی او) کے سربراہان مملکت کی کونسل کے 24ویں سربراہی اجلاس میں عالمی رہنماؤں کےہمراہ شریک ہوئے۔
آزادی محل میں منعقد ہونے والے اس اجلاس میں پاکستان، چین، روس، تاجکستان، ترکی، ازبکستان، بیلاروس، ایران، کرغزستان، بھارت اور دیگر ممالک کے رہنما شرکت کر رہے ہیں۔
وزیر اعظم شہباز شریف جیسے ہی پنڈال میں پہنچے تو قازقستان کے صدر قاسم جومارت توکایف نے ان کا پرتپاک استقبال کیا اور دونوں رہنماؤں نے مصافحہ کیا۔
وزیر اعظم اس سربراہی اجلاس میں اہم علاقائی اور عالمی امور پر پاکستان کا نقطہ نظر پیش کریں گے جس کا عنوان “کثیر الجہتی ڈائیلاگ کو مضبوط بنانا ،پائیدار امن اور خوشحالی کی طرف جدوجہد ” ہے۔
