اردو انٹرنیشنل (اسپورٹس ویب ڈیسک) تفصیلات کے مطابق انٹرنیشنل ٹینس فیڈریشن (آئی ٹی ایف )کے زیر اہتمام آسٹریلین اوپن ٹینس ٹورنامنٹ کا 113 واں ایڈیشن 12 جنوری سے آسٹریلیا کے مشہور شہر میلبورن میں شروع ہوگا۔ ٹورنامنٹ انتظامیہ کے مطابق میگا ایونٹ کے کامیاب انعقاد کے لئے تیاریاں ابھی سے شروع کر دی گئیں ہیں۔ آسٹریلین اوپن ٹینس کا 113 واں ایڈیشن جبکہ اوپن ایرا میں 57 واں اوررواں سال کا پہلا گرینڈ سلیم ہوگا جو میلبورن پارک میں 12جنوری سے شروع ہوکر 26 جنوری تک کھیلا جائے گا۔
ہارڈ کورٹ پر کھیلے جانے والے میگا ایونٹ میں مینز سنگلز، مینز ڈبلز ،ویمنز سنگلز ، ویمنز ڈبلز ، مکسڈ ڈبلز کے علاوہ جونیئر اور وہیل چیئر کھلاڑیوں کے سنگلز اور ڈبلز کیٹیگریز کے مقابلے ہوں گے۔
گزشتہ سالوں کی طرح، ٹورنامنٹ کی مرکزی سپانسر ’’کِیا ‘‘کمپنی ہے۔اٹلی کے نامور ٹینس سٹار اور عالمی نمبر ایک یانک سنر مردوں کے سنگلز مقابلوں کے اوربیلا روس کی نامور ٹینس سٹار دفاعی چیمپئن آریانا سبا لینکا خواتین کے سنگلز مقابلوں میں دفاعی چیمپئن ہیں۔
نوواک جوکووچ گیارہویں مرتبہ آسٹریلین اوپن کا ٹائٹل اپنے نام کرنے کے لئے ایکشن میں ہوں گے۔36 سالہ سربین ٹینس سٹار نوواک جوکووچ اپنے کیریئر میں سب سے زیادہ 24 گرینڈ سلیم ٹائٹلز اپنے نام کر چکے ہیں جن میں سے آسٹریلین اوپن انہوں نے 10 مرتبہ اپنے نام کیاہے۔
وہ 2008سے 2023 کے دوران 10 مرتبہ آسٹریلین اوپن کے ٹائٹلز اپنے نام کر چکے ہیں ۔ جوکووچ پر امید ہیں کہ وہ گیارہویں مرتبہ آسٹریلین اوپن کا ٹائٹل اپنے نام کریں گے۔
