Steve Smith gets medical clearance after elbow injury-AFP
اردوانٹرنیشنل (اسپورٹس ڈیسک) تفصیلات کے مطابق کرکٹ آسٹریلیا (سی ایس اے) نے پیر کو تصدیق کی ہے کہ دائیں ہاتھ کے تجربہ کار بلے بازاسٹیو اسمتھ کو کہنی کی چوٹ کے بعد میڈیکل کلیئرنس مل گئی ہے ۔
جمعہ کو جاری بگ بیش لیگ (بی بی ایل) 14 میں سڈنی تھنڈر کے خلاف سڈنی سکسرز کے واش آؤٹ میچ میں گیند پھینکنے کے دوران دائیں کہنی میں چوٹ لگنے والے اسمتھ کی آسٹریلیا کے آئندہ دو میچوں کی سری لنکا کیخلاف ٹیسٹ سیریز میں شرکت مشکوک ہو گئی تھی۔
پنتیس سالہ، جو ریڈ بال سیریز میں آسٹریلیا کی قیادت کرنے کے لیے تیار ہیں، دبئی میں اپنے تربیتی کیمپ کے لیے ساتھیوں کے ساتھ سفرنہ کر سکے، جس سے اس دورے اور آئندہ آئی سی چیمپئنز ٹرافی 2025 کے لیے ان کی دستیابی کی قیاس آرائیاں شروع ہو گئیں۔
رپورٹ میں کہا گیا تھا کہ اسمتھ کی روانگی میں تاخیر اس لیے ہوئی کیونکہ دائیں ہاتھ کے بلے باز کسی ماہر سے مزید مشورہ لینا چاہتے تھے۔
دریں اثنا، تازہ ترین پیشرفت کے مطابق، اسمتھ کو ماہر نے گرین سگنل دے دیا ہے اور اب وہ دوبارہ اسکواڈ میں شامل ہونے کے لیے دبئی جائیں گے۔
چیمپئنز ٹرافی 2025 کے لیے آسٹریلیا کا اسکواڈ: پیٹ کمنز، ایلکس کیری، ناتھن ایلس، آرون ہارڈی، جوش ہیزل ووڈ، ٹریوس ہیڈ، جوش انگلیس، مارنس لیبوشین، مچل مارش، گلین میکسویل، میتھیو شارٹ، اسٹیو اسمتھ، مچل اسٹارک اسٹوئنس، ایڈم زمپا۔
