’روڈ ٹو مکہ‘ پراجیکٹ پر سروے کیلئے سعودی وفد کراچی پہنچ گیا
اردو انٹرنیشنل ( مانیٹرنگ ڈیسک ) تفصیلات کے مطابق روڈ ٹو مکہ پروجیکٹ ے سروے کیلئے سعودی عرب کا 12 رکنی وفد کراچی ائیرپورٹ پہنچ گیا.
سعودی وفد کو کراچی ائیرپورٹ پر وفاقی سیکرٹری مذہبی امور اور ڈائریکٹر حج کراچی نے ویلکم کیا.
سعودی حکام کراچی ائیرپورٹ کو روڈ ٹو مکہ پروجیکٹ میں شامل کرنے کے ساتھ ساتھ کراچی ائیرپورٹ پر امیگریشن سہولیات کا بھی جائزہ لیں گے۔
اس منصوبے کے تحت حج کے دوران حجاج کی امیگریشن جدہ ائیرپورٹ کے بجائے کراچی ائیرپورٹ پر ہو گی، اس وقت صرف اسلام آباد ائیرپورٹ روڈ ٹو مکہ پراجیکٹ میں شامل ہے جب کہ کراچی اور لاہور ائیرپورٹس کو اس پراجیکٹ میں شامل کرنے کا منصوبہ بنایا جا رہا ہے۔
ذرائع کے مطابق سعودی حکام کی رپورٹ پر کراچی ائیرپورٹ کو اس سال حج کے دوران روڈ ٹو مکہ پراجیکٹ میں شامل کیا جائے گا۔
