روہت شرما نے ٹی ٹوئنٹی سے ریٹائرمنٹ کے بعد ٹیسٹ اور ون ڈے پلان کے بارےآگاہ کر دیا
اردو انٹرنیشنل (اسپورٹس ڈیسک )تفصیلات کے مطابق ہندوستانی کپتان روہت شرما نے ٹی ٹوئنٹی سے ریٹائرمنٹ لینے کے بعد ٹیسٹ اور ون ڈے کرکٹ کے لیے اپنے پلان کا انکشاف کرتے ہوئے کہا کہ وہ کچھ عرصے کے لیے ایکشن میں ہوں گے۔
ویرات کوہلی کے 2021 میں مستعفی ہونے کے بعد شرما کو تمام فارمیٹس میں ہندوستان کا کپتان مقرر کیا گیا تھا اور انہوں نے آخر کار ٹی ٹوئنٹی ورلڈ کپ 2024 جیتنے سے پہلے 2023 میں ون ڈے ورلڈ کپ اور ورلڈ ٹیسٹ چیمپئن شپ کا فائنل کھیلا تھا۔
ورلڈ کپ اٹھانے کے دو ہفتے بعد، شرما نے تصدیق کی کہ وہ جلد ہی کسی بھی وقت ون ڈے اور ٹیسٹ کرکٹ سے ریٹائر ہونے کا ارادہ نہیں رکھتے کیونکہ ہر کوئی انہیں “تھوڑی دیر” کھیلتے ہوئے دیکھے گا۔
انہوں نے کہا کہ میں اتنا آگےکا نہیں سوچ رہا واضح طور پر، آپ مجھے تھوڑی دیر کے لیے کھیلتے ہوئے دیکھیں گے .
ہٹ مین نے جنوبی افریقہ کے خلاف ٹی ٹوئنٹی ورلڈ کپ کے فائنل کے بارے میں بھی بات کی جہاں یہ میچ تقریباً ہندوستان کی گرفت سے باہر تھا کیونکہ پروٹیز کو ہینرک کلاسن کی شاندار نصف سنچری کے بعد 30 گیندوں پر 30 رنز درکار تھے۔
روہت نے کہا کہ جب انہیں 30 میں 30 رنز کی ضرورت تھی، ہم پر دباؤ تھا اور اس وقت ہم نے جو پانچ اوور کرائے، اس سے ظاہر ہوتا ہے کہ ہم نے اپنا کام سکون سے کیا، گھبرائےنہیں جو ہماری طرف سے بہت اچھا تھا ۔
روہت نےاس فارمیٹ سے سب سے زیادہ اسکورر کے طور پر اختتام کیا 159 میچوں میں 4,231 رنز – اور ٹی 20 بین الاقوامی میچوں میں سب سے زیادہ سنچریوں (پانچ) کا ریکارڈ بھی ان کے پاس ہے انہوں نے دو ٹی ٹوئنٹی ورلڈ کپ ٹائٹل جیتے ہیں، پہلا 2007 میں بطور کھلاڑی اور اب 2024 میں بطور کپتان۔
