Rohit Sharma appointed ambassador for ICC T20 World Cup 2026-BCCI
بھارتی کرکٹ ٹیم کے سابق کپتان روہت شرما کو آئی سی سی ٹی20 ورلڈ کپ 2026 کا ٹورنامنٹ ایمبیسیڈر نامزد کر دیا گیا ہے۔
یہ ایونٹ بھارت اور سری لنکا میں 7 فروری سے 8 مارچ 2026 تک منعقد ہوگا۔
روہت، جنہوں نے 2024 کے ایڈیشن میں بھارت کو تاریخی فتح دلائی تھی، اس نئی ذمہ داری پر فخر اور خوشی کا اظہار کرتے ہوئے کہا کہ ٹورنامنٹ کا دوبارہ بھارت میں آنا اور بطور برانڈ ایمبیسیڈر جڑنا ان کے لیے اعزاز کی بات ہے۔
انہوں نے کھلاڑیوں کے لیے نیک خواہشات کا اظہار کرتے ہوئے امید ظاہر کی کہ وہ بھارت کی مہمان نوازی سے لطف اندوز ہوں گے۔
روہت شرما ٹی 20 کرکٹ کے نمایاں ترین بلے بازوں میں شمار ہوتے ہیں، جنہوں نے 32.01 کی اوسط اور 140.89 کے اسٹرائیک ریٹ سے 4,231 رنز بنائے وہ 2007 اور 2024 کے دو کامیاب ٹی20 ورلڈ کپ مہمات کا حصہ رہ چکے ہیں۔
2024 کے ورلڈ کپ میں بطور کپتان انہوں نے 257 رنز بنا کر بھارت کی کامیابی میں اہم کردار ادا کیا، جس میں آسٹریلیا کے خلاف 92 اور انگلینڈ کے خلاف سیمی فائنل میں 57 رنز کی یادگار اننگز شامل تھیں۔
