پنجاب:زبردستی بھیک منگوانا ناقابل ضمانت جرم قرار
اردو انٹرنیشنل ( ماینٹرنگ ڈیسک) پنجاب میں معصوم بچوں، بزرگوں اور خواتین سے زبردستی بھیک منگوانا ناقابل ضمانت جرم قرار دے دیا گیا، اس حوالے سے قانون میں مجوزہ ترمیم کابینہ کو ارسال کردی گئی ہے۔
ترجمان محکمہ داخلہ پنجاب کے مطابق نئے قانون میں زبردستی بھیک منگوانا ناقابل ضمانت جرم قرار دیا گیا ہے۔
ترجمان نے بتایا کہ بچوں، بزرگوں اور خواتین سے زبردستی بھیک منگوانے والے سخت سزا پائیں گے جب کہ بھکاری مافیا کے گینگ لیڈرز کو 10 سال قید اور 20 لاکھ روپے جرمانہ ہوگا، جرمانہ ادا نہ کرنے کی صورت میں 3 سال مزید سزا بھگتنا ہو گی، بچوں کے اعضا ضائع کرنے اور بھیک منگوانے والے رعایت کے مستحق نہیں۔
محکمہ داخلہ کے مطابق اس سے قبل بھکاری مافیا کے گینگ لیڈرز کو سزا دلوانے کیلئے قانون موجود نہیں تھا۔
