اردو انٹرنیشنل (اسپورٹس ڈیسک) تفصیلات کے مطابق پاکستان کرکٹ بورڈ (پی سی بی) اور پاکستان سپر لیگ (پی ایس ایل) فرنچائزز نے ابتدائی طور پر دسویں ایڈیشن کے ڈرافٹ کے لیے آسٹریلیا، انگلینڈ، جنوبی افریقہ اور دیگر سے تعلق رکھنے والے غیر ملکی کیٹیگریز کے لیے بڑے کھلاڑیوں کو شارٹ لسٹ کیا ہے۔
ذرائع کے مطابق سابق آسٹریلوی کپتان اسٹیو اسمتھ نیوزی لینڈ کے ٹیسٹ کپتان ٹم ساؤتھی اور انگلینڈ کے سابق کپتان جو روٹ ڈرافٹ کے لیے ہدف بنائے گئے امیدواروں میں شامل ہیں۔
پی ایس ایل 10 ڈرافٹ کے لیے ہدف بنائے گئے کھلاڑیوں کی فہرست
آسٹریلیا: اسٹیو اسمتھ، جوش ہیزل ووڈ، جوش انگلیس، شان ایبٹ، ڈینیئل سامس
انگلینڈ: جو روٹ، عادل رشید، بین ڈکٹ، ایلکس ہیلز، کرس جارڈن، سیم بلنگز
نیوزی لینڈ: ٹم ساؤتھی، فن ایلن، کولن منرو، کائل جیمیسن، ایڈم ملنے، ایش سودھی
جنوبی افریقہ: راسی وان ڈیر ڈوسن، تبریز شمسی، ریزا ہینڈرکس
ویسٹ انڈیز: جیسن ہولڈر
واضح رہے کہ پی سی بی نے اس سے قبل تصدیق کی تھی کہ آئی سی سی چیمپئنز ٹرافی 2025 روایتی ایونٹ ونڈو میں منعقد ہونے کی وجہ سے پی ایس ایل 2025 ایونٹ 7 اپریل سے 20 مئی تک ہوگا۔
دوسری جانب لاہور اور راولپنڈی کراچی سے زیادہ میچز کی میزبانی کرنے والے ہیں۔
