پاکستان ویمن ٹیم وائٹ بال سیریز کے لیے انگلینڈ پہنچ گئی

اردو انٹرنیشنل (اسپورٹس ڈیسک) تفصیلات کے مطابق پاکستان ویمن کرکٹ ٹیم انگلینڈ کے خلاف وائٹ بال سیریز کھیلنے کے لیے اتوار کو دبئی کے راستے لندن کے ہیتھرو ایئرپورٹ پر اتری۔

قومی ٹیم تین ٹی ٹوئنٹی اور تین ون ڈے میچوں کی سیریز کے لیےکل کراچی سے روانہ ہوئی۔

انگلینڈ میں پاکستان کے ہائی کمشنر ڈاکٹر محمد فیصل نے پاکستان کی خواتین ٹیم اور انتظامیہ کا استقبال کیا۔

اسکواڈ 9 مئی کو ای سی بی ڈویلپمنٹ الیون کے خلاف وارم اپ میچ کھیلنے کے لیے جلد ہی لیسٹر روانہ ہوگا پہلا ٹی ٹوئنٹی 11 مئی کو برمنگھم میں کھیلا جائے گا۔

قابل ذکر بات یہ ہے کہ سیریز میں ون ڈے آئی سی سی ویمنز چیمپئن شپ 2022-25 کا حصہ ہیں اور یہ موجودہ ایونٹ میں پاکستان کی آٹھویں اور آخری سیریز ہوگی۔

پاکستان اس وقت 10 ٹیموں پر مشتمل آئی سی سی ویمن چیمپئن شپ 2022-25 کی ا سٹینڈنگ میں 16 پوائنٹس کے ساتھ پانچویں پوزیشن پر ہے۔

دورہ انگلینڈ کے لیے پاکستانی خواتین اسکواڈ

ندا ڈار (کپتان)، عالیہ ریاض، عائشہ ظفر، ڈیانا بیگ، فاطمہ ثناء، گل فیروزہ، منیبہ علی (وکٹ)، ناجیہ علوی (وکٹ)، نشرہ سندھو، نتالیہ پرویز، رامین شمیم، صدف شمس، سعدیہ اقبال، سدرہ امین طوبہ حسن، ام ہانی اور وحیدہ اختر