پاکستان بمقابلہ بنگلہ دیش: ابرار احمد، عامر جمال دوسرے ٹیسٹ کے لیے اسکواڈ میں شامل

پاکستان بمقابلہ بنگلہ دیش: ابرار احمد، عامر جمال دوسرے ٹیسٹ کے لیے اسکواڈ میں شامل

اردوانٹرنیشنل(اسپورٹس ڈیسک) تفصیلات کے مطابق ابرار احمد اور کامران غلام بنگلہ دیش کے خلاف 30 اگست سے 3 ستمبر تک راولپنڈی کرکٹ اسٹیڈیم میں ہونے والے دوسرے ٹیسٹ میچ سے قبل پاکستانی ٹیسٹ اسکواڈ میں شامل ہو گئے ہیں۔

دونوں کھلاڑیوں کو پہلے ٹیسٹ میچ کے آغاز سے قبل ہی ٹیسٹ اسکواڈ سےریلیز کر دیا گیا تھا اور 20 سے 23 اگست تک اسلام آباد کلب میں بنگلہ دیش ‘اے’ کے خلاف چار روزہ میچ میں پاکستان شاہینز کے لیے شامل کیے گئے تھے۔

اس کے علاوہ شاہین شاہ آفریدی جنہیں پہلے ٹیسٹ کے اختتام پر ٹیم سے باہر کیا گیا تھا، منگل کی شام دوبارہ اسکواڈ میں شامل ہو گئے ہیں۔

دریں اثنا، عامر جمال، جنہیں این سی اے میں اپنی فٹنس پر کام کرنے کے لیے اسکواڈ سے باہر کیا گیا تھا، کو واپس بلا لیا گیا ہے عامر کی دوسرے ٹیسٹ میں شرکت فٹنس کلیئرنس سے مشروط رہے گی۔

دوسرے ٹیسٹ کے لیے پاکستانی اسکواڈ:
شان مسعود (کپتان)، سعود شکیل (نائب کپتان)، عامر جمال (فٹنس سے مشروط)، ابرار احمد، عبداللہ شفیق، بابر اعظم، کامران غلام، خرم شہزاد، میر حمزہ، محمد علی، محمد ہریرہ، محمد رضوان (وکٹ کیپر)، نسیم شاہ، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی