اردوانٹرنیشنل (اسپورٹس ڈیسک) تفصیلات کے مطابق پاکستان نے آئندہ آئی سی سی چیمپئنز ٹرافی کے لیے 20 سے زائد کھلاڑیوں پر مشتمل ابتدائی اسکواڈ پیش کر دیا ہے۔
سلیکشن کمیٹی نے دو روز قبل ابتدائی سکواڈ آئی سی سی کو بھجوایا تھا جس میں اوپنر صائم ایوب کا نام بھی شامل ہے۔
کھلاڑیوں کی فہرست میں کپتان محمد رضوان، بابر اعظم، طیب طاہر، عرفان خان نیازی، سفیان مقیم، محمد حسنین، عبداللہ شفیق، نسیم شاہ، عثمان خان، شاہین شاہ آفریدی، حارث رؤف، ابرار احمد، کامران غلام، سلمان علی آغا امام الحق، فخر زمان، حسیب اللہ، اور عباس آفریدی شامل ہیں۔
چیمپئنز ٹرافی کے لیے حتمی اسکواڈ کا اعلان 10 فروری کو متوقع ہے جس میں متعدد تبدیلیوں کا امکان ہے اوپنر عبداللہ شفیق اور عثمان خان کی شمولیت غیر یقینی دکھائی دے رہی ہے۔
