نیوزی لینڈ نے پہلے ٹیسٹ میں بھارت کو36 سال بعد شکست دے دی
اردوانٹرنیشنل(اسپورٹس ڈیسک) تفصیلات کے مطابق نیوزی لینڈ نے 36 سال میں پہلی بار ہندوستانی ٹیم کو ان کے ہوم گراؤنڈ پر شکست دی ہے۔
سیریز کے پہلے ٹیسٹ میچ میں پہلے دن کا کھیل بارش کی نذر ہو گیا۔دوسرے دن بھارت نے ٹاس جیت کر بیٹنگ کا فیصلہ کیا جو ایک تباہ کن فیصلے میں بدل گیا کیونکہ وہ صرف 46 رنز پر ڈھیر ہو گیا۔
جواب میں نیوزی لینڈ نے ڈیون کونوے کے 91 اور راچن رویندرا کے 134 رنز کی مدد سے 402 رنز بنائے، اس کے ساتھ ٹم ساؤتھی کے 65 رنز کی شراکت نے اپنی پہلی اننگز میں 356 رنز کی بھاری برتری قائم کی۔
اپنی دوسری اننگز میں، ہندوستانی بلے بازوں نے نمایاں طور پر بہتر کارکردگی کا مظاہرہ کرتے ہوئے، آؤٹ ہونے سے پہلے 462 رنز کا مجموعہ پوسٹ کیا اور نیوزی لینڈ کو 107 رنز کا ہدف دیا۔
بھارت کی جانب سے سرفراز خان 150 رنز کے ساتھ ٹاپ اسکورر رہے، جب کہ رشبھ پنت نے 99 رنز بنائے ویرات کوہلی نے 70، روہت شرما نے 52، یاشاسوی جیسوال نے 35، کے ایل راہول نے 12، روی چندرن ایشون نے 15، اور رویندرا جدیجا نے 5 رنز جوڑے.
نیوزی لینڈ کی جانب سے میٹ ہنری اور ول اورورک نے 3، جبکہ اعجاز پٹیل نے 2 کھلاڑیوں کو آوٹ کیا.
کیویز نےدوسری اننگز میں ٹام لیتھم کو کھونے کے باوجود مہمان ٹیم نے 2 وکٹ کے نقصان سے سنبھلتے ہوئے اعتماد سے کھیلا۔
ول ینگ اور راچن رویندرا نے شاندار بلے بازی کا مظاہرہ کرتے ہوئے اپنی ٹیم کو فتح سے ہمکنار کیا، ینگ نے 48 اور رویندرا نے 39 رنز بنائے۔
راچن رویندرا کو ان کی شاندار بلے بازی پر میچ کے بہترین کھلاڑی کا ایوارڈ دیا گیا، انہوں نے پہلی اننگز میں 134 اور دوسری اننگز میں ناقابل شکست 39 رنز بنائے۔
اس طرح نیوزی لینڈ نے 8 وکٹ سے فتح حاصل کرتے ہوئے ہندوستان کے خلاف 36 سال میں ہندوستانی سرزمین پر پہلی ٹیسٹ جیت اپنے نام کی.
