اردوانٹرنیشنل (اسپورٹس ڈیسک) تفصیلات کے مطابق چیمپیئنز ٹی ٹوئنٹی کپ کا آغاز ایک دلچسپ مقابلے کے ساتھ ہوا جب پنڈی کرکٹ اسٹیڈیم میں مارخورز نے لائنز کو سنسنی خیز مقابلے میں 4 وکٹ سے شکست دی۔
پہلے بیٹنگ کرنے کے لیے کہے جانے کے بعد، لائنز کو اپنے 20 اوور میں 150/7کے مجموعی اسکور تک محدود رکھا گیا۔
محمد اویس ظفر شاندار کارکردگی کا مظاہرہ کرتے ہوئے 34 گیندوں پر 40 رنز بنا کر ناٹ آؤٹ رہے جس میں 5 چوکے شامل تھے۔
مارخورز کے سعد مسعود، سرور آفریدی اور نثار احمد نے 2 وکٹ حاصل کیں،جبکہ عمران جونیئر نے ایک کھلاڑی کو آوٹ کیا.
تعاقب کے دوران، مارخورز نے بلے سے مکمل غلبہ کا مظاہرہ کرتے ہوئے 19 اوور میں ہدف کا تعاقب مکمل کیا۔
کپتان افتخار احمد نے اہم کردار ادا کرتے ہوئے 34 گیندوں پر ناقابل شکست 42 رنز بنائے جس میں ایک چوکا اور2 چھکے شامل تھے۔
انہیں سعد مسعود نے خوب سپورٹ کیا جنہوں نے 16 گیندوں پر ایک چوکے اور2 چھکوں کی مدد سے 26 رنز بنائے۔
فخر زمان نے بھی شاندار اننگز کھیلی، 25 گیندوں پر 28 رنز بنائے جس میں 3 چوکے اور ایک چھکا شامل تھا۔
لائنز کے باؤلنگ اٹیک نے بہادری سے مقابلہ کیا، محمد سلمان نے3 وکٹ حاصل کیں جبکہ شاہد عزیز اور عامر یامین ایک کھلاڑی کو آوٹ کیا.
سعد مسعود کو ان کی غیر معمولی آل راؤنڈ کارکردگی پر میچ کا بہترین کھلاڑی قرار دیا گیا۔
