لاہور:بھارتی دہشت گرد سربجیت سنگھ پر حملہ میں ملوث عامرعرف تانبا قاتلانہ حملے میں شدید زخمی
مبینہ انڈین جاسوس سربجیت سنگھ پر 2013 کوٹ لکھپت جیل میں حملہ کرنے والے شہری عامر تانبا کو نامعلوم افراد نے گھر میں گھس کر فائرنگ کر کے زخمی کر دیا.
عامر تانبا کو شدیدزخمی حالت میں اسپتال منتقل کیا گیا ہے.
خاندانی زرائع کے مطابق مقتول عامر عرف تانبا کو پہلے سے تھریٹس موصول ہورہی تھیں ۔
خاندانی زرائع کا کہنا ہے کہ دو نامعلوم موٹر سائیکل سواروں نے گھر میں گھس کر فائرنگ کی ۔
قانون نافذ کرنے والے اداروں نےتحقیقات شروع کردیں ۔
واضح رہے کہ عامر تانبا نے 2013 میں ایک ساتھی کے ہمراہ مبینہ انڈین جاسوس سربجیت سنگھ پر جیل میں حملہ کر کے زخمی کیا تھا، جو ہسپتال میں زیر علاج رہنے کے بعد وفات پا گئے۔
عامر تانبا کچھ عرصہ قبل ہی سربجیت سنگھ پر حملہ کیس سے ضمانت پر رہا ہوئے تھے۔
