کراچی : پاکستان اسٹاک ایکسچینج کی عمارت میں آگ لگ گئی
اردو انٹرنیشنل (مانیٹرنگ ڈیسک) فائر بریگیڈ حکام کے مطابق پیر کے روز کراچی کے آئی آئی چندریگر روڈ پر واقع پاکستان اسٹاک ایکسچینج (PSX) کی عمارت کی چوتھی منزل پر آگ بھڑک اٹھی۔
آگ لگنے کی اطلاع ملنے پر فائر بریگیڈ نے فوری طور پر تین فائر ہائیڈرنٹس کو جائے وقوعہ پر روانہ کیا۔ حکام آگ پر قابو پانے اور اسے عمارت کے دیگر حصوں میں پھیلنے سے روکنے کے لیے کام کر رہے ہیں۔
پاکستان اسٹاک ایکسچینج کی عمارت کے اندر موجود لوگوں کو باہر نکال کر پارکنگ میں لے جایا گیا ہے۔
حکام کے مطابق آگ اسٹاک ایکسچینج کی عمارت کی چوتھی منزل پر شارٹ سرکٹ کے باعث لگی۔
آتشزدگی کے واقعے کے بعد اسٹاک ایکسچینج میں تجارت معطل کردی گئی۔
