اردو انٹرنیشنل اسپورٹس ڈیسک کی تفصیلات کے مطابق اٹالین سیری اے لیگ میں انٹر میلان اور جنیوا کے درمیان ہونے والے میچ میں انٹر میلان نے میچ کے پہلے ہاف میں دو گول داغے۔ کرسٹجان اسلانی نے پہلا گول اسکور کیا، اور دوسرا گول الیکسس سانچیز نے پنالٹی کِک سے اس وقت کیا جب نکولو بریلا کو پنالٹی ایریا میں فاؤل کیا گیا۔ دوسری جانب جینوا میچ کے دوسرے ہاف میں جوہان واسکیز کے ذریعے ایک گول کرنے میں کامیاب رہا۔
یہ جیت سیری اے لیگ میں انٹر میلان کی لگاتار نویں اور تمام مقابلوں میں لگاتار 12ویں جیت تھی۔ اس فتح کے ساتھ، انٹر میلان سیری اے ٹیبل میں دوسرے نمبر پر موجود ٹیم، یووینٹس سے 15 پوائنٹس آگے ہونے سے لیگ ٹیبل پر سہرِ فہرست پوزیشن پر چلا گیا ہے۔
انٹر میلان اس سیزن میں لیگ میں غیر معمولی کارکردگی کا مظاہرہ کر رہا ہے۔ انہوں نے اب تک 27 میں سے 23 میچ جیتے ہیں، ان کی واحد شکست ستمبر میں ہوئی تھی۔ انہوں نے 29 دسمبر کو جینوا کے خلاف 1-1 سے ڈرا ہونے کے بعد سے کوئی پوائنٹ نہیں کھویا ہے۔
