India defeats Pakistan to win Asia Cup 2025-Image Credit: Indian Cricket Team (FB)
بھارت نے ایک سنسنی خیز مقابلے کے بعد روایتی حریف پاکستان کو پانچ وکٹوں سے شکست دے کر ایشیا کپ 2025 کا ٹائٹل اپنے نام کر لیا۔
دبئی انٹرنیشنل اسٹیڈیم میں کھیلے گئے فائنل میں بھارت کو 147 رنز کا ہدف ملا، جس کا تعاقب انہوں نے 19.4 اوور میں مکمل کر لیا مڈل آرڈر بلے باز تلک ورما نے دباؤ کے لمحات میں شاندار بیٹنگ کرتے ہوئے ناقابل شکست 69 رنز بنائے اور فتح میں کلیدی کردار ادا کیا۔
بھارت کا آغاز مایوس کن رہا، اور صرف 20 رنز پر تین اہم وکٹیں گر گئیں تاہم، ورما اور سنجو سیمسن نے چوتھی وکٹ پر 57 رنز کی اہم شراکت قائم کی بعد ازاں شیوم دوبے (33 رنز) نے بھی ورما کا ساتھ دیا اور پانچویں وکٹ پر 60 قیمتی رنز جوڑے۔
اس سے قبل بھارت نے ٹاس جیت کر پہلے باؤلنگ کا فیصلہ کیا، جو درست ثابت ہوا پاکستان نے 84 رنز کی اوپننگ شراکت کے بعد اچانک وکٹیں گنوانا شروع کیں اور پوری ٹیم 19.1 اوور میں 146 رنز پر ڈھیر ہو گئی۔
صاحبزادہ فرحان نے 57 اور فخر زمان نے 46 رنز اسکور کیے، مگر مڈل آرڈر مکمل طور پر ناکام رہا بھارت کی جانب سے سوریہ کمار یادیو نے شاندار باؤلنگ کرتے ہوئے چار وکٹیں حاصل کیں، جبکہ اکسر پٹیل، ورون چکرورتی اور جسپریت بمراہ نے دو، دو کھلاڑیوں کو آؤٹ کیا۔
تلک ورما کو ان کی ناقابل شکست 69 رنز کی اننگز پر پلیئر آف دی میچ قرار دیا گیا۔
