ایشین ہاکی چیمپئنز ٹرافی میں پاکستان نے کوریا کو ہرا کر تیسری پوزیشن حاصل کر لی
اردوانٹرنیشنل(اسپورٹس ڈیسک) تفصیلات کے مطابق منگل کو ایشین ہاکی چیمپیئنز ٹرافی کے تیسری پوزیشن کے میچ میں سفیان خان اور حنان شاہد نے دو دو گول کیے اور پاکستان نے جنوبی کوریا کو 5-2 سے شکست دی۔
گرین شرٹس کو مطلوبہ آغاز نہیں ملا کیونکہ جنگ جون لی نے 16ویں منٹ میں جنوبی کوریا کو برتری دلادی۔
تاہم سفیان خان اور حنان شاہد نے یکے بعد دیگرے دو گول کر کے پاکستان کو جنوبی کوریا سے آگے کر دیا۔
جیہون یانگ کی بدولت اسکور چند منٹ بعد برابر ہوگیا، رومن نے ایک بار پھر پاکستان کو برتری دلادی۔
سفیان خان اور حنان شاہد نے ایک ایک گول کے ساتھ پاکستان کی برتری کو مزید بڑھاتے ہوئے پاکستان کو 5-2 سے فتح کے ساتھ تیسری پوزیشن حاصل کرنے میں مدد کی۔
سیمی فائنل کے دوران پاکستان کو چین کے ہاتھوں پنالٹی شوٹ آؤٹ پر شکست کا سامنا کرنا پڑا۔
پاکستان اور چین دونوں نے سخت مقابلے کے بعد مقررہ وقت میں ایک ایک گول کیا تاہم گرین شرٹس ایک بھی پنالٹی اسکور کرنے میں ناکام رہے جس کے باعث وہ ٹورنامنٹ سے باہر ہو گئے۔
چین نے پنالٹی شوٹ آؤٹ میں دو گول کر کے فائنل میں اپنی جگہ پکی کی۔
