پاکستان کے سابق آل راؤنڈر عباد اللہ انتقال کر گئے
اردو انٹرنیشنل (اسپورٹس ڈیسک )تفصیلات کے مطابق پاکستان کے سابق آل راؤنڈر بلی عباد اللہ جمعہ کو 88 سال کی عمر میں انتقال کر گئے۔
انہوں نے 1964 اور 1967 کے درمیان چار ٹیسٹ میچوں میں حصہ لیا، اور اپنے ٹیسٹ ڈیبیو پر سنچری بنانے والے پہلے پاکستانی بلے باز تھے۔
عباد اللہ نے اپنا ٹیسٹ ڈیبیو 1964 میں آسٹریلیا کے خلاف کراچی میں کیا، پہلی اننگز میں 166 رنز بنائے وہ ساتھی ڈیبیو کرنے والے اور وکٹ کیپر عبدالقادر کے ساتھ 249 رنز کی اوپننگ شراکت کا حصہ تھ یہ شراکت ٹیسٹ کرکٹ میں کسی بھی وکٹ کے لیے دو ڈیبیو کرنے والوں کے درمیان سب سے زیادہ ہے۔
تاہم، عباد اللہ نے صرف تین مزید ٹیسٹ کھیلے، جس میں ان کا بہترین اسکور 32 تھا انہوں نے اپنی آف بریک باولنگ سے ایک وکٹ بھی حاصل کی۔
پاکستان کرکٹ بورڈ (پی سی بی) نے بھی عباد اللہ کے دوستوں اور اہل خانہ سے تعزیت کی۔
وہ فرسٹ کلاس کرکٹ میں زیادہ نمایاں تھے انہوں نے 27.28 کی اوسط سے 17,078 رنز بنائے اور 30.96 کی اوسط سے 462 وکٹیں حاصل کیں ان کے 417 فرسٹ کلاس میں سے 377 وارکشائر کے لیے تھے جہاں وہ ایک دہائی سے زیادہ عرصے تک کھیلے۔
