پاکستان تحریک انصاف اور جماعت اسلامی کے رابطے بحال ہوگئے
تحریک انصاف کے رہنما سردار لطیف کھوسہ کا جماعت اسلامی کی قیادت سے رابطہ.
ترجمان جماعت اسلامی قیصر شریف کا کہنا ہے کہ سردار لطیف کھوسہ نے نائب امیر جماعت اسلامی لیاقت بلوچ سے ٹیلی فون پر رابطہ کیا.
تحریک انصاف کے رہنماء لطیف کھوسہ نے کہا کہ اشتراک عمل پر امیر جماعت اسلامی سراج الحق کا موقف اصولی ہے.انہوں نے کہا کہ ہم سمجھتے ہیں کہ اشتراک عمل صرف خیبرپختونخواہ کی سطح پر نہیں، وفاقی سطح پر بھی کیا جانا چاہیے.
لطیف کھوسہ نے کہا کہ آج بانی پی ٹی ائی سے میری ملاقات ہے.
لطیف کھوسہ نے لیاقت بلوچ سے گفتگو میں کہا کہ ملاقات کے بعد جماعت اسلامی کی قیادت سے رابطہ کروں گا.
گفتگو کرتے ہوئے لیاقت بلوچ نے کہا کہ سیاسی جماعتوں میں مذاکرات کا راستہ ہمیشہ کھلا رہتا ہے.
جبکہ پی ٹی آئی کی مذاکراتی ٹیم کی آج جماعت اسلامی کی قیادت سے ملاقات کا بھی امکان
دوسری جانب تحریک انصاف کے رہنما عامر ڈوگر کا جماعت اسلامی کے ترجمان قیصر شریف سے رابطہ .
عامر ڈوگر نے کہا کہ اسد قیصر کی سربراہی میں پی ٹی آئی کی مذاکراتی ٹیم جماعت اسلامی کی قیادت سے ملنا چاہتی ہے.
قیصر شریف نے کہا کہ ملاقات کا وقت اور جگہ قیادت سے مشاورت کے بعد بتا دیا جائے گا.
