اردوانٹرنیشنل (اسپورٹس ڈیسک) تفصیلات کے مطابق بورڈ آف کنٹرول فار کرکٹ ان انڈیا (بی سی سی آئی) کے نو منتخب سیکرٹری دیواجیت سائکیا نے آئی سی سی چیمپئنز ٹرافی 2025 سے قبل طویل فارمیٹ کے کپتان روہت شرما کے دورہ پاکستان کے امکانات پر تبصرہ کیا۔
ہندوستانی میڈیا نے اس ماہ کے شروع میں اطلاع دی تھی کہ ان کی قومی ٹیم کے کپتان شرما ممکنہ طور پر ٹورنامنٹ سے متعلق ایونٹ کیلئے پاکستان جائیں گے.
ایونٹ میں تمام کپتانوں کا فوٹو شوٹ اور ایک پریس کانفرنس شامل ہوگی جہاں کپتان ٹورنامنٹ کے لیے اپنی توقعات کا اظہار کریں گے۔
چیمپئنز ٹرافی 2025 کے لیے، تمام آٹھ شریک کپتان انٹرنیشنل کرکٹ کونسل (آئی سی سی) کے زیر اہتمام اس ایونٹ میں شرکت کرنے والے ہیں۔
تاہم، تازہ ترین پیشرفت کے مطابق، سائکیا نے انکشاف کیا کہ بی سی سی آئی کو ایسی کوئی تجویز موصول نہیں ہوئی اور یہ بھی کہ وہ کرکٹ کی اعلیٰ تنظیم کے ساتھ بورڈ کی بات چیت کا حصہ نہیں ہے۔
سائکیا نے ایک ہندوستانی اخبار کو بتایا کہ ہمیں ایسی کوئی تجویز نہیں ملی ہے یہ آئی سی سی کے ساتھ ہماری بات چیت کا حصہ نہیں ہے۔
یہ ایک انتہائی نازک صورتحال ہے اور اس کے اثرات کا اندازہ لگا کر ہر قدم اٹھانا پڑتا ہے بھارت کو بحران کے حل کے لیے کوئی سمجھوتہ کرنے والا فارمولا تلاش کرنا ہوگا کیونکہ میزبان ہونے کی وجہ سے پاکستان کو کچھ فوائد حاصل ہوں گے۔
آٹھ ٹیموں پر مشتمل یہ ٹورنامنٹ 19 فروری سے 9 مارچ تک پاکستان کے تین مقامات کراچی، لاہور اور راولپنڈی اور دبئی میں کھیلا جائے گا۔
بھارت کا پہلا میچ بنگلہ دیش کے خلاف 20 فروری کو دبئی میں شیڈول ہے، جب کہ روایتی حریفوں پاکستان اور بھارت کے درمیان انتہائی متوقع تصادم 23 فروری کو دبئی میں ہی ہونا ہے۔
