بابر اعظم نے اب تک کے سب سے مشکل باولر کا نام بتا دیا
اردو انٹرنیشنل (اسپورٹس ڈیسک )تفصیلات کے مطابق پاکستان وائٹ بال کے کپتان بابر اعظم نے حال ہی میں انکشاف کیا ہے کہ آسٹریلیا کے ٹیسٹ اور ون ڈے کپتان پیٹ کمنز اب تک کے سب سے مشکل باولر ہیں۔
بابر، جنوبی افریقہ کے سابق کپتان اے بی ڈی ویلیئرز کے آفیشل یوٹیوب چینل پر نمودار ہوئے جہاں ان سے کہا گیا کہ وہ اب تک کے سب سے مشکل باولر کا نام بتائیں۔
پاکستانی کپتان نے فوری جواب دیا، ’’پیٹ کمنز‘‘۔
ڈی ویلیئرز نے بھی اعظم سے اتفاق کرتے ہوئے کہا، ’’ہاں، میں اس سے اتفاق کرتا ہوں وہ ان سب سے مشکل گیند بازوں میں سے ایک ہیں جن کا میں نے کبھی سامنا کیا ہے۔
غور طلب ہے کہ کمنز نے بابر اعظم کو ٹیسٹ کرکٹ میں تین بار اور وائٹ بال کرکٹ میں صرف ایک بار آؤٹ کیا ہے۔
ٹاپ آرڈر بلے باز نے یہ بھی بتایا کہ وہ ویرات کوہلی، کین ولیمسن اور جو روٹ سے مشورہ کرتے ہیں.
میں ویرات کوہلی، کین ولیمسن اور جو روٹ سے بہت بات کرتا ہوں وہ آپ کو مشورہ دینے کے لیے ہمیشہ تیار رہتے ہیں جس سے آپ کو بہت مدد ملتی ہے میں نے ان کھلاڑیوں سے بہت کچھ سیکھا ہے۔
اسٹار بلے باز نے یہ بھی بتایا کہ ان کے خاندان کو بچپن میں مالی مشکلات کا سامنا کرنا پڑا، لیکن انہوں نے اسے کامیابی کے سفر میں غیر متزلزل مدد فراہم کی۔
میں ایک امیر گھرانے سے نہیں ہوں، اور ہمارے پاس ہر وقت پیسہ نہیں ہوتا تھا لیکن میرے والدین نے مجھے بہت اسپورٹ کیا میں بڑے ہوتے ہوئے اسٹریٹ کرکٹ کھیلتا تھا.
واضح رہے کہ بابر اعظم اس وقت بنگلہ دیش کے خلاف آئندہ دو میچوں کی ہوم ٹیسٹ سیریز کے لیے تیاری کر رہے ہیں، جو اگست میں کھیلی جائے گی۔
