اردو انٹرنیشنل اسپورٹس ڈیسک تفصیلات کے مطابق اذلان شاہ ہاکی ٹورنامنٹ میں شرکت کے لیے قومی ٹیم ملائیشیا روانہ ہوگئی ہے ۔
عماد بٹ کی قیادت میں18 رکنی اسکواڈ کے ہمراہ طارق بگٹی ، رانا مجاہد اور 5 رکنی منیجمنٹ بھی ملائیشیا روانہ ہوئی۔
منیجمنٹ میں ہیڈ کوچ رولینٹ آلٹمنز ، ذیشان اشرف، منیجر محمد عثمان، اسیسٹنٹ کوچ ندیم لودھی، ویڈیو انالسٹ محمد وقاص اور فزیو تھراپسٹ شامل ہیں۔
اذلان شاہ ٹورنامنٹ کا آغاز 4 مئی سے ایپو میں ہو رہا ہے۔ پاکستانی ٹیم افتتاحی میچ میں میزبان ملائیشیا کے خلاف میدان میں اترے گی۔
پاکستان کا دوسرا میچ 5 مئی کو جنوبی کوریا سے ہوگا، جبکہ 7 مئی کو جاپان اور 8 مئی کو کینیڈا سےمقابلہ ہوگا، قومی ٹیم 10 مئی کو نیوزی لینڈ سے مدمقابل ہوگی۔
ایونٹ کا فائنل 11 مئی کو ہوگا۔
