دہشت گردی کے خلاف جنگ میں پاکستان کے ساتھ کندھے سے کندھا ملا کر کھڑے رہیں گے،امریکا
اردو انٹرنیشنل (مانیٹرنگ ڈیسک)امریکا نے گزشتہ ہفتے پاکستان میں ہونے والے حملوں کی مذمت کرتے ہوئے کہا ہے کہ ملک کے عوام نے دہشتگردوں کے ہاتھوں بہت نقصان اٹھایا ہے۔
امریکی محکمہ خارجہ کے ترجمان میتھوملر نے پریس بریفنگ کے دوران کہا کہ امریکا بلوچستان میں دہشتگرد حملوں کی شدید مذمت کرتا ہے، موسی خیل میں 23 معصوم شہریوں کو نشانہ بنایا گیا، اس کے علاوہ مل میں سیکیورٹی اہلکاروں پر بھی حملے ہوئے۔
بلوچستان حملوں کے بارے میں ایک سوال کے جواب میں ملر نے کہا: “پاکستانی عوام نے پرتشدد انتہا پسند دہشت گردوں کے ہاتھوں بہت نقصان اٹھایا ہے اور ہمارے دل جاںبحق ہونے والوں کے لواحقین اور پیاروں کے لیے دکھتے ہیں۔”
انہوں نے کہا کہ علاقائی سلامتی کو لاحق خطرات سے نمٹنے میں امریکہ اور پاکستان کا مشترکہ مفاد ہے، انہوں نے مزید کہا کہ وہ دہشت گردی کے خلاف جنگ میں پاکستان کے ساتھ کندھے سے کندھا ملا کر کھڑے رہیں گے۔
پاک ایران گیس پائپ لائن منصوبے کے بارے میں ایک اور سوال کے جواب میں، اسٹیٹ ڈپارٹمنٹ کے ترجمان نے کہا: “لہذا میں جو کہوں گا وہ یہ ہے کہ ہم ایران کے خلاف اپنی پابندیوں کا نفاذ جاری رکھیں گے۔ اور یقیناً، ہم ایران کے ساتھ تجارتی معاہدوں پر غور کرنے والے کسی کو بھی ان سودوں کے ممکنہ اثرات سے آگاہ رہنے کا مشورہ دیتے ہیں۔
“اس کے ساتھ ساتھ، پاکستان کی توانائی کی کمی کو پورا کرنے میں مدد کرنا امریکہ کے لیے ایک ترجیح ہے، اور ہم حکومت پاکستان کے ساتھ توانائی کے تحفظ پر بات چیت جاری رکھے ہوئے ہیں۔
