امریکا پاکستان اور بھارت کے ساتھ اپنے تعلقات کو قدر کی نگاہ سے دیکھتا ہے، ترجمان امریکی محکمہ خارجہ
اردو انٹرنیشنل ( مانیٹرنگ ڈیسک ) تفصیلات کے مطابق امریکا نے بھارتی وزیراعظم نریندر مودی کی جانب سے صدر مسلم لیگ (ن) شہباز شریف کو دوبارہ وزیراعظم پاکستان منتخب ہونے پر مبارکباد دینے کا خیرمقدم کیا ہے۔
واشنگٹن میں پریس بریفنگ دیتے ہوئے امریکی محکمہ خارجہ کے ترجمان میتھیو ملر نے کہا کہ امریکا بھارت اور پاکستان کے ساتھ اپنے تعلقات کو قدر کی نگاہ سے دیکھتا ہے، بھارت اور پاکستان کے درمیان پرامن اور تعمیری تعلقات دیکھنا چاہتے ہیں۔
پاک بھارت مذاکرات کے حوالے سے ترجمان نے کہا کہ پاکستان اور بھارت کے درمیان پُرامن بات چیت کا خیرمقدم کریں گے،فیصلہ دونوں ملکوں نے کرنا ہے۔
